Хабиб: Қазақстанда жыл сайын турнир өткізгімі келеді

Eagle Fighting Championship аралас жекпе-жек лигасының иесі, UFC-дің жеңіл салмақтағы экс-чемпионы Хабиб Нурмагомедов өзі басқаратын промоушен болашақта Қазақстанда турнирлер өткізуге ниеті бар-жоғын айтты, деп хабарлайды Prosports.kz.

«Біз Қазақстанда турнирді жылына бір рет өткізгіміз келеді. Алдағы бірнеше айда басқа жерлерде жарыстар өткіземіз. Егер кесте мүмкіндік берсе, біз жыл соңында Қазақстанда турнир өткіземіз», - деді Нурмагомедов 18 маусымда Алматыда өтетін EFC 37 турниріне арналған баспасөз мәслихаты барысында.