ВИДЕО. Арман Оспанов АҚШ-тағы жеңілісінен кейін жаттығуға кірісті

Қазақстандық ММА файтері Арман Оспанов PFL қамқорлығындағы дебюттік жекпе-жегіндегі жеңілісінен кейін жаттығуға кірісті, деп хабарлайды Prosports.kz.

«Сұңқар» Атлантик-Ситидегі (АҚШ, Нью-Джерси) PFL 4 турниріне қатысты. Оның қарсыласы «Лонг-Айлендтен шыққан баскесер» лақап атымен танымал Крис Уэйд (18-6) болды. Америкалық файтер Оспановты екінші раундта нокаутқа жіберді.

Спортшы жаттығудың видеосын Instagram парақшасында жариялады.