Адесанья мен Нейт Диастың UFC 263 турнирінде қанша қаржы тапты

Маусымның 12-нен 13-не қараған түні Американың Глендейл қаласында аралас жекпе-жектен UFC 263 турнирі өтті. Басты жекпе-жекте орта дивизионның чемпионы Исраэль Адесанья Марвин Ветториге қарсы шайқаста белбеуін қорғады, деп хабарлайды Prosports.kz.

Ақпаратқа сәйкес, нигериялық жекпе-жек үшін шамамен 1,4 миллион доллар алған (келісімшарт бойынша 750 мың, ақылы жарнамаларды сатудан - 600 мың, демеушілерден - 42 мың). Веттори өзінің банктік шотына 132000 доллар қосқан (келісімшарт бойынша 100000 доллар және демеушілерден 32000 доллар).

Миллионнан астам ақша тапқан UFC 263 турнирінің тағы бір қатысушысы Нэйт Диас болды - $1,121 миллион (келісімшарт бойынша 500 мың, ақылы таратылымдарды сатудан - 600 мың және демеушілерден - 21 мың).

Диас Леон Эдвардстан төрешілер шешімі бойынша жеңілді. Жекпе-жектің жеңімпазы 191 мың доллар ғана тапты (90 мың - келісімшарт, 90 - жеңіс үшін және 11 - демеушілерден).