Адесанья орта салмақта UFC чемпионы атағын қорғап қалды

Глендейлдегі (Аризона, АҚШ) аралас жекпе-жектен UFC 263 турнирі аяқталды, деп хабарлайды Prosports.kz.

Басты жекпе-жекте нигериялық Исраиль Адесанья UFC чемпионы атағын үшінші мәрте қорғап қалды. Ол Марвин Ветториді төрешілер шешімімен жеңді - 50:45, 50:45, 50:45.

Адесанья кәсіби мансабында 21-рте жеңіске жетті. Тек бір рет ұтылған. UFC-дағы рекорды - 10-1.

Веттори мансабындағы төртінші, UFC ұйымындағы үшінші жеңілісіне ұшырады.