Карими әлем кубогының финалында өнер көрсетеді

Хорватияның Осиек қаласында спорттық гимнастикадан әлем кубогының іріктеу кезеңі жалғасуда. Қазақстандық Милад Карими тағы екі жаттығу бойынша финалға шықты.

Ол гимнастикалық кермедегі жаттығудан іріктеу кезеңін бірінші орынмен аяқтап, финалға өтті.

Сондай-ақ, қол тіреп секіруден төртінші орын алып, жүлдеге таласу құқығын иеленді.

Айта кетелік, бұған дейін Карими еркін және қоссырықтағы жаттығудан финалға жолдама алған болатын.