Қазақстандық Георгий Кичигин ACA рейтингінің алғашқы бестігіне кірді

Ресейлік ACA лигасы барлық салмақ дәрежесіндегі жаңартылған рейтингін жариялады, деп хабарлайды Prosports.kz.

Жартылай орта салмақта үздік бестікке FN Global бұрынғы чемпионы қазақстандық файтер Георгий Кичигин (25-7) енді. 28 мамырда Кичигин ACA 123 сәтті өнер көрсеткен. Қазақстандық файтер бразилиялық Элиас Сильверионы төрешілер шешімімен жеңген болатын.

Айта кетейік, қазіргі уақытта Кичигиннің ACA лигасымен келісімшарт мерзімі аяқталды. Кейінгі кездесуден кейін Георгий Черси Дудаевпен күш сынасқысы келетінін айтқан болатын.