Америка Кубогы қайда өтетіні белгілі болды

Оңтүстік Америка футбол федерациясы (КОНМЕБОЛ) биыл Америка Кубогы қайда өтетінін хабарлады.

Жарыс 11 маусым мен 10 шілде аралығында Бразилияда өтеді. Алайда әзірге нақты қай қалалар матчтарды қабылдайтыны белгісіз.

Айта кетейік, бұған дейін Америка Кубогы Колумбия мен Аргентинада өтуі қажет еді. Алайда Колумбия елдегі саяси тұрақсыздық салдарынан, ал Аргентина коронавирус қауіпінен жарысты өткізуден бас тартты.