Қазақстанның Мальтаға қарсы жолдастық матчы өтпейді
![Қазақстанның Мальтаға қарсы жолдастық матчы өтпейді](https://prosports.kz/upload/news/content//202105/201131_14d95277c3dd7349012663f299e7e55b.png?v=28753463)
7 маусым күні Аустрия жерінде өтуі тиіс жолдастық матч өтпейді. Бұл туралы ҚФФ баспасөз қызметі хабарлады.
Қазақстан ұлттық құрамасы 4 маусым күні Македония астанасы Скопьеде, сосын 7 маусым күні Аустрияның Вольфсберг қаласында Мальта құрамасымен жолдастық кездесулер өткізуі тиіс болған. Алайда пандемияның өршіп тұрған кезінде Аустрия аумағына виза алу өте қиынға соқты.
Аустрияның Қазақстандағы елшілігі Қазақстан құрамасына виза беруден бас тартты. Осы мәселеге байланысты Қазақстан - Мальта матчы өтпейді.
Демек, Талғат Байсуфинов баптайтын командамыз 4 маусым күні Македонияға қарсы ойыннан соң Қазақстанға оралады. Екінші жолдастық ойын күздегі УЕФА датасына қалдырылды.