Нысана көздеуден Қазақстан чемпионатының нәтижелері

Алматыда қысқакалибрлі қарудан нысана көздеуден Қазақстан чемпионаты жалғасуда.

Назарларыңызға қазақстандық спортшылардың көрсеткішін ұсынамыз.

Қысқакалибрлі тапаншамен 25 метрге нысана көздесуден Ольга Аксенова топ жарды. Екінші орында Ирина Локтионова, үшінші сатыда Елена Файнберг.

Сондай-ақ, 50 метрге нысана көздесуден Елизавета Король ел чемпионы атанды. Күміс жүлдені Елизавета Безрукова, қола медальді Дарья Калинина еншіледі.

Ерлер арасындағы сында 50 метрге нысана көздеуден Валерий Рақымжан жеңіске жетті. Максим Мазепа екінші, Владимир Исаченко үшінші орыннан көрінген.

Ел чемпионатында 140-тан аса спортшы бақ сынауда. Турнир 28 мамырға дейін жалғасады.