Левит Азия чемпионатының жартылай финалына шықты

2016 жылғы Олимпиаданың күміс жүлдегері Василий Левит бокстан Дубайда (БАӘ) өтіп жатқан Азия чемпионатын жеңіспен бастады, деп хабарлайды Prosports.kz.

91 келіге дейінгі салмақта өнер көрсеткен Левиттің қарсыласы ирандық Эхсан Рузбахани болды. Бұл жекпе-жекте төрешілердің шешімімен Василий Левит жеңіске жетті. Есеп - 4: 1.

Осылайша, Левит Азия чемпионатының жартылай финалына шықты.

Айта кетейік, Левит Азияның үш дүркін чемпионы. Ол 2009, 2015 және 2017 жылдары алтын медаль алса, 2019 жылы қола жүлдегер атанды.