Ақмолалық шпагашы халықаралық турнирде қола жүлде жеңіп алды

Харьков қаласында (Украина) Украинаның еңбек сіңірген жаттықтырушысы Леонид Авербахты еске алуға арналған семсерлесуден ХХІІ Халықаралық турнир аяқталды, деп хабарлайды Prosports.kz.

Жарысқа Грузия, Өзбекстан, Қырғызстан, АҚШ, Әзербайжан, Қазақстан, Жапония және Украинаның 100-ден астам өкілі қатысты.

Біздің елдің ерлер командасы жалпы командалық есепте үшінші орынды иеленді, оның ішінде Ақмола облысының спортшысы Дмитрий Алексанин қола жүлде жеңіп алды.