Жансель Дениз: Лицензиялық жарыстағы жауапкершілік жүгі ауыр болды

Таеквондодан Қазақстан ұлттық құрама командасы Олимпиада ойындарына екі жолдама ұтып алды. Жолдама иегері Жансель Дениз Olympic.kz сайтына жарысты қорытындылап берді.

"Лицензиялық іріктеу жарысы соңғы бір жарым жыл ішіндегі алғашқы бәсеке болды. Жасыратыны жоқ, жауапкершілік жүгі өте ауыр болды. Бұл соңғы бес жылдағы еңбегіміздің нәтижесі, жемісі. Осы уақытқа дейін жарыстар мен жаттығуларда төккен тер еш кетпеді. Әр спортшының арманына айналған Олимпиада ойындарына жолдама жеңіп алғаныма өте қуаныштымын.

Тынымсыз еңбек пен жаттығудың арқасында бәріне қол жеткізуге болады", - дейді спортшы Женсель.