ВИДЕО. Алматыдағы OCTAGON 19 турнирінің тизері жарияланды

Қазақстандық OCTAGON лигасының баспасөз қызметі алдағы OCTAGON 19 турнирінің тизерін жариялады, деп хабарлайды Prosports.kz.

28 мамырда Алматыда өтетін ивенттің басты жекпе-жегінде орта салмақ (83.9 кг) титулы сарапқа салынады. Онда қазақстандық Махир Мамедов (14-1) қырғызстандық Адис Таалайбек Уулумен (6-1-2) кездеседі.

Тағы бір басты жекпе-жекте қазақстандық Сатбек Есенгелдин (5-1) өзбекстандық Рамазонбек Теміровпен (5-2) күш сынасады. Бұл кездесу жеңіл салмақта (61.2 кг) өтеді.