Энтони Джошуа мен Александр Усик тамызда жұдырықтасуы мүмкін
Аса ауыр салмақта WBA/IBF/WBO тұжырымдарының чемпионы Энтони Джошуа мен WBО белбеуіне үміткер Александр Усик арасындағы жекпе-жектің өтуі мүмкін уақыты белгілі болды. Бұл туралы The Athletic сарапшысы Майк Коппинджермәлімдеді.
«Энтони Джошуа мен Александр Усик арасындағы жекпе-жекті өткізу үшін 21 не 28 тамыз күндері қарастырылып отыр. Егер Тайсон Фьюри мен Деонтей Уайлдер өзара келісе алмаса, WBO Джошуа – Усик жекпе-жегін өткізеді», – деп жазды сарапшы.
Айта кетейік, Джошуа биыл екі жекпе-жек өткізеді деп күтілуде. Ол күзде Фьюриге қарсы жұдырықтасуы мүмкін. Боксшылар екі айқастан 75 миллион доллар табыс түсірмек.
