Чарльз Оливейра - жеңіл салмақта UFC чемпионы

Техас штатының Хьюстон қаласында UFC 262 турнирі аяқталды. Оның басты жекпе-жегінде жеңіл салмақтағы (70,3 кг) чемпиондық атақтың тағдыры шешілді, деп хабарлайды Prosports.kz.

Басты шайқаста UFC ардагері бразилиялық Чарльз Оливейра Bellator-дың бұрынғы чемпионы америкалық Майкл Чандлермен кездесті.

Майкл тәжірбиелі қарсыластың қарқынына бірінші раундта төтеп бергенімен, екінші раунда бразилиялық файтердің жойқын соққысынан қаша алмай, нокаутқа түсті. Чарльз қатарынан тоғызыншы мәрте жеңіске жетіп отыр. Америкалық спортшы мансабындағы алтыншы жеңілісіне ұшырады.