Қазақстан командасы оқу-жаттығу жиынын өткізіп жатыр

Грек-рим күресінен Қазақстан командасы сәуір айының аяғынан бері оқу-жаттығу жиындарын өткізуде, деп хабарлайды ҰОК сайты.

Аталған жиын Болгарияда өтетін Олимпиадаға іріктеу турнирінің қарсаңында ұйымдастырылып отыр. Жиынға жиырмадан аса балуан шақырту алған. Олардың қатарында ұлттық құрама үздіктері де бар.

Айта кетелік, Софьяда өтетін Олимпиада ойындарына іріктеу турнирінде Қазақстан атынан Алмат Кебіспаев (67 келі), Олжас Сырлыбай (97 келі) және Әлімхан Сыздықов (130 келі) сынға түседі. Турнир 6 мамырда басталады.