Ауыр атлетикадан Қазақстан ерлер құрамасы Азия чемпионатында командалық есепте бірінші орын алды

Ауыр атлетикадан Қазақстан ерлер құрамасы Ташкенттегі Азия чемпионатында командалық есепте бірінші орын алды, деп хабарлайды Prosports.kz ҚР ауыр атлетика федерациясының баспасөз қызметіне сілтеме жасап.

Ал әйелдер құрамасы жалпыкомандалық есепте төртінші болды. Қазақстандық спортшылар құрлықтық додада жеті медаль еншіледі. Жалғыз алтын медальді Арли Чонтей алды. «Күміс» Абылай Әуелханов, Карина Кузганбаева, Нұрғиса Әділетұлының еншісінде. Екатерина Быкова, Айзада Мүптілдә, Артем Антропов қола жүлде алды.