«Қыздар Ұлттық құрамада екенін мақтан тұтады»
Қазақстанның және әлемнің спорт жаңалықтарына жазылыңызBillie Jean King Cup кубогының плей-офф матчы қарсаңында Қазақстан құрамасының ойыншысы Анна Данилина аргентиналықтар туралы өз ойымен бөлісті, деп хабарлайды Prosports.kz.
- Рыбакина бірінші рет Қазақстан құрамасында ойнайды. Қандай нәтиже күтесіз?
- Менің ойымша, Елена керемет ойыншы. Бұл командаға үлкен пайда әкеледі және барлық қыздар ұлттық құрамадағы алғашқы матчын тағатсыздана күтіп жүр. Ол Аргентинаға қарсы жақсы ойнайды деп сенемін.
- Аргентина құрамасы туралы не білесіз?
- Кейбір аргентиналық ойыншыларды танимын. Подороска - ұлттық құраманың бірінші нөмірі. Мен екі жыл бұрын Оңтүстік Америкадағы турнирде аргентиналықтарға қарсы ойнадым. Жалпы жақсы команда. Бұл біз үшін қиын сынақ болады, сондықтан текетірестің нәтижесін болжау қиын.
- Бұл команда туралы нақты не айтасыз?
- Мен Аргентина тәжірбиелі команда деп ойлаймын. Рейтингке қараудың қажеті жоқ. Біз әрбір жеке матчқа дайындаламыз.
- Сіз үшін Қазақстан құрамасында ойнау нені білдіреді?
- Басқа қыздар сияқты, мен де өз елім үшін ойнағанды мақтан тұтамын. Мұндағы атмосфера жеке турнирлерге қарағанда өзгеше. Жылына бір рет болса да жоғары деңгейлі ойыншылармен жаттығуға үлкен мүмкіндік бар. Мұнда сіз өзіңіздің деңгейіңізді арттыра аласыз.