«Милан» мен Ибрагимович жаңа келісімшарт жөнінде келісті

Златан Ибрагимович пен «Милан» клубының басшылығы жақында келісімшартты ұзарту туралы келісімге келді, деп хабарлайды Propsorts.kz.

Қазіргі келісімнің мерзімі осы жазда аяқталады. Келіссөздер бірнеше аптаға созылды. Жақында Златан Ибрагимовичтің «Миланда» тағы бір маусымды өткізетіні туралы ресми түрде жарияланады.

Ибрагимович «Милан» сапында 2010-2012 жылдары ойнап, командаға 2020 жылдың басында оралды. Осы маусымда 39 жастағы швед италиялық клуб сарында барлық турнирлерде 24 матч өткізіп, 17 гол соғып, 2 нәтижелі пас берген.