Италиялық жас футболшы жол апатынан қайтыс болды
«Лацио» футбол клубының жартылай қорғаушысы Даниэль Герини 19 жасында жол апатынан қайтыс болды, деп жазады Prosports.kz.
Бұл туралы италиялық клуб ресми хабарлады.
Шетелдік ақпарат құралдарының хабарлауынша, жол апаты Римде болған. Геринидің қасында болған екі досы қазір ауруханада ауыр халде жатыр.
Айта кетейік, жас ойыншы Италияның U15 және U16 жасөспірімдер құрамасында өнер көрсеткен.
