Алаба «Реал» қатарына қосылады

«Баварияның» қорғаушысы Дэвид Алаба мадридтік «Реалмен» қаржылық мәселе бойынша келісімге келді, деп хабарлайды Prosports.kz.

Шетелдік дереккөздің хабарлауынша, келісімшартқа қол қойылғаннан кейін футболшы 20 миллион еуро көлемінде сыйақы алады. Бұл сомаға агент Пини Захави мен футболшының әкесі Джордж Алабаның комиссиялары да кіреді.

Мадридтің «Реалының» ойыншысы бола отырып, австриялық жылына 10 миллион еуро жалақы алады.

Бұған дейін Алаба «Барселонаға» баруы мүмкін деп хабарланған болатын, бірақ Захави бұл ақпаратты жоққа шығарды.