Украина құрамасының 5 ойыншысы Қазақстанға қарсы ойнамайды

Украина құрамасы 2022 жылғы әлем чемпионатына іріктеу матчтары алдында бірден бес ойыншысынан айырылды, деп хабарлайды Prosports.kz.

Украина осы айда Франция, Финляндия және Қазақстанмен кездеседі.

Аталған ойындарға түрлі себептермен Артем Беседин, Виктор Цыганков, Тарас Степаненко, Игорь Харатин және Виктор Корниенко қатыса алмайды.

Айта кетейік, Украина 31 наурызда Киевте Қазақстан құрамасын қабылдайды. Бұл матч алдында Талғат Байсуфинов шәкірттері «Астана Аренада» қазіргі әлем чемпионы - Франция құрамасымен кездеседі.