Қазақстандықтар ойнайтын ресейлік клубқа жаңа бас бапкер келді

Қазақстандық футболшылар Юрий Логвиненко, Дмитрий Шомко мен Алексей Щеткин өнер көрсететін волгоградтық «Ротор» жаңа бас бапкерін тағайындады, деп хабарлайды Prosports.kz тілшісі клуб сайтына сілтеме жасап.

«Роторды» енді 56 жастағы Юрий Батуренко жаттықтырады. Ол футболшы ретінде душанбелік «Памир» сапында танылған, КСРО чемпионатының жоғары дивизионында үш маусым ойнаған.

Юрий Батуренко бапкерлік қызметін 20 жылдан аса уақыт бойы атқарып келеді.