Қазақстан чемпионаты: Жартылай финалға шыққан үш команда анықталды
Қазақстанның және әлемнің спорт жаңалықтарына жазылыңызХоккейден Қазақстан чемпионатының ширек финалы аясында «Торпедо» мен «Алматы» арасындағы төртінші матч өтті, деп хабарлайды Prosports.kz.
Өскеменде өткен кездесу 3:1 есебімен «Торпедоның» жеңісімен аяқталды.
Осылайша, сериядағы есеп 4:0 болып, өскемендік командар жартылай финалға жолдама алды.
Айта кетейік, бұған дейін қарағандылық «Сарыарқа» мен астаналық «Номад» жартылай финалға өткен. Олар 1/4 финалда петропавлдық «Құлагер» мен «Теміртауды» жеңді.
Ал төртінші жартылай финал жолдамасын атыраулық «Бейбарыс» пен көкшетаулық «Арлан» сарапқа салып жатыр. Бұл жұптың сериядағы есебі 2:2.
«Торпедо» (Өскемен) – «Алматы» (Алматы) 3:1 (2:0, 0:1, 1:0)
1:0 – Шин (Кузнецов, Виноградов) – 06:26
2:0 – Сироткин (Петросян, Виноградов) – 12:53
2:1 – Тихомиров (Бельгибаев, Бурделев) – 21:10
3:1 – Кузнецов (Петросян, Сироткин) – 57:04
Қақпашылар: Сидоров – Грязнов
Сериядағы есеп: «Торпедо» – «Алматы» 4:0 (6:2, 4:3, 2:1 ОТ, 3:1).