Ресми. ММА-дан әлем чемпионаты Қазақстанда өтеді

Халықаралық аралас жекпе-жек федерациясының (IMMAF) баспасөз қызметі ММА-дан келесі әлем чемпионаты қайда өтетінін жариялады, деп хабарлайды Prosports.kz.

Аралас жекпе-жектен жастар мен кәсіпқойлар арасындағы әлем чемпионаты 27 қараша мен 4 желтоқсан аралығында Нұр-Сұлтандағы «Барыс Аренада» өтеді. Қазақстан құрамасы алдағы әлем чемпионатына дайындық мақсатында оқу-жаттығу жиынын бастады.

Айта кетейік, бұған дейінгі ММА әлем чемпионаты 2019 жылы Мадинат-Иса қаласында (Бахрейн) өтке. Ал 2020 жылғы турнир Қазақстанда өтуі керек еді, бірақ IMMAF басшылығы бұл шараны COVID-19-ға байланысты тоқтатуға мәжбүр болды.