Елдос Сметов Grand Slam турнирінің күмісін жеңіп алды

Қазақстандық дзюдошы Елдос Сметов Ташкенттегі Grand Slam турнирінің финалында жеңіліс тапты, деп хабарлайды Prosports.kz сайты.

60 келіге дейін салмақта сынға түскен дзюдошымыз жапон өкілі Рюдзю Нагаямамен кездесті. Жалғыз «ваза-ари» әдісін сәтті қолданған жапон дзюдошысы алтыннан алқа тағынды.

Елдос Сметов күміс жүлдені қанағат тұтты. Қола медальді Франция спортшысы Лука Мхеидзе мен өзбек балуаны Кемран Нуриллаев алды.