Мадиев - Зорилья жекпе-жегінің трансляциясы

5 наурызда Пуэрто-Рикода Golden Boy промоушенінің жалғыз қазақстандық өкілі Руслан Мәдиев (13-1, 5 КО) карьерасындағы ең маңызды жекпе-жектердің бірін өткізеді.

Қарсыласы «Зорро» лақапатымен танылған жергілікті Даниэлито Зорилья (14-0, 11 КО) болады.

Жекпе-жекті «Хабар» телеарнасы тікелей эфирде көрсетуді жоспарлап отыр. Трансляция Нұр-Сұлтан уақытымен 5 наурызда таңғы 8:00-де басталады.

Руслан Мәдиев 2019 жылдың шілдесінен бері алғаш рет рингке шығады, сол кезде АҚШ-та ол филиппиндік Рики Сисмундоны (35-15-3, 17 КО) жеңген болатын.