Шомко мен Щеткин Ресейде келісілген матчқа қатысты ма?
Ресей премьер-лигасының 20-турында «Тамбов» «Ротордан» 1:3 есебімен жеңіліп қалды, ойынға Қазақстан құрамасының ойыншылары Дмитрий Шомко мен Алексей Щеткин қатысты, деп хабарлайды Prosports.kz.
Саранскіде өткен кездесудің нәтижесі Ресейде әртүрлі пікір туғызды. Кейбір сарапшылар бұл матчтан әділетсіздік көрген. Қарапайым тілмен айтқанда, 3:1 есебімен волгоградтықтардың жеңісімен аяқталған ойынның нәтижесі алдын-ала келісілген болуы мүмкін.«Ротор» жағынан бұл туралы әлі ешқандай түсініктеме жоқ, ал «Тамбовтың» басшылары бәрін жоққа шығарды:
«Сіз матчты өзіңіз көрдіңіз бе? Бәрі өтірік! Мұны айтқан адамдар футбол туралы ештеңе түсінбейді. Бұл команданы бір апта бұрын «Локомотивпен» матч алдында жинадық. Командалар әр түрлі жағдайда дайындалды», - деп келтіреді «Тамбовтың» спорт директоры Павел Худяковтың сөзін «Спорт-Экспресс» басылымы.
Бұл ойында үзіліске аз уақыт қалғанда тамбовтықтар есеп ашты. Екінші таймның басында өз қақпаларына гол соғып, таразы басын теңестірді. Матч аяқталғанға дейін «Ротор» ойыншылары «Тамбов» қақпасына тағы екі доп соқты. Екі голда да «Тамбов» қорғаушылары түсініксіз өнер көрсетті.
Еске салайық, Волгоград клубының сапында Қазақстан құрамасының үш футболшысы ойнайды - Юрий Логвиненко, Дмитрий Шомко және Алексей Щеткин. Логвиненко «Тамбовпен» матчқа қатыспады, Шомко 90 минут бойы алаңда ойнады, Щеткин үзіліс кезінде ауыстырылды.
