Тұрсынбай Құлахмет британиялық боксшымен спарринг өткізді
Қазақстандық боксшы Тұрсынбай Құлахмет (2-0, 1КО) британялық былғары қолғап шебері Кайл Ломотеймен (8-0, 1 KO) жаттығу өткізді.
Тұрсынбай Құлахмет Ұлыбританияда Джейми Мурдің қоластында жаттығып жатыр. Қазақстандық боксшы Инстаграм-парақшасында Кайл Ломотеймен жаттығуда түскен суретін жариялады.
Еске салайық, Құлахмет соңғы жекпе-жегін былтыр қарашада өткізіп, ұлыбританиялық Маколей Макгоуэнді жеңген болатын. Сол кездесуден соң суперорта салмақта WBC International титулын иеленген.
