OCTAGON 16 турниріндегі титулды жекпе-жектің проморолигі жарияланды

Қазақстандық OCTAGON промоушенінің баспасөз қызметі OCTAGON 16 турнирінің проморолигін жариялады, деп хабарлайды Prosports.kz.

24 ақпанда өтетін турнирде қазақстандық Ильяр Асханов (7-3) Жандос Жанатпен (4-1) кездеседі. Бұл жекпе-жекте жеңіл салмақта чемпиондық белбеу сарапқа салынады.

Тағы бір кездесуде қазақстандық файтер Азат Мақсұм (10-0) қырғызстандық Нұрбек Болотбековпен (5-0) күш сынасады.

Айта кетейік, OCTAGON 16 турнирінің тікелей трансляциясын 24 ақпанда елорда уақытымен 18:00-де Octagon TV Youtube-каналы мен Sport Recs сервисінен қарауға болады.