Арман Рыбсек ресейлік боксшымен жекпе-жек өткізеді

Екінші орта салмақтағы қазақстандық боксшы Арман Рысбек (7-1, 6 КО) кәсіпқой рингтегі келесі жекпе-жегінің күнін анықтады.

Boxrec.com бокс статистикасы порталы хабарлағандай, 30 жастағы қазақстандық рингке 12 сәуірде оралады. Арман 24 жастағы ресейлік Магомед Магомедовпен (3-0, 1 КО) жекпе-жек өткізеді деп жоспарланған. Жекпе-жек сегіз раундқа есептелген.

Еске салайық, өткен жылдың 27 қыркүйегінде қазақстандық боксшы Қазанда өткен кездесуде Арман Рысбек төртінші раундтан кейін жекпе-жекті жалғастырудан бас тартып, техникалық шешіммен беларусьтік боксшы Максим Долголевцке (3-0, 3 КО) есе жіберген болатын. Бұл кездесуде екінші орта салмақтағы бос IBF Europe белбеуі сарапқа салынды.