Зайнутдиновтің командасына норвегиялық ойыншы ауысып келді
Қазақстанның және әлемнің спорт жаңалықтарына жазылыңызНорвегиялық «Стабек» командасының ойыншысы Эмиль Бохинен ЦСКА сапына ауысты, деп жазады Prosports.kz.
Бұл туралы мәскеулік клубтың баспасөз қызметі хабарлады.
21 жастағы жартылай қорғаушы ресейлік клубпен 2024/25 жылғы маусымның соңына дейін жарамды келісімшарт жасасты. Ол «Стабек» сапында 73 матч өткізіп, тоғыз гол соққан. Норвегия жасөспірімдер құрамасында он ойынға қатысқан.
Transfermarkt.com порталының хабарлауынша, ойыншының трансферлік құны - 1,5 миллион еуро.
Айта кетейік, ЦСКА сапында Қазақстан құрамасының футболшысы Бактиер Зайнутдинов өнер көрсетеді.