Қазақ балуандары Минскіге оқу-жаттығу жиынына аттанады

Грек-рим күресінен Қазақстан командасының алты мүшесі оқу-жаттығу жиынын өткізу үшін Беларусь астанасы Минскіні бетке алады деп жазады Prosports.kz ҰОК сайтына сілтеме жасап.

Бұл туралы команда бас бапкері Бақтияр Байсейітов мәлімдеді.

06-21 ақпан аралығына жоспарланған жаттығу жиынына төмендегі спортшылар қатысады:

87 келі: Нұрсұлтан Тұрсынов

97 келі: Ерұлан Ысқақов, Олжас Сырлыбай

130 келі: Әлімхан Сыздықов, Мансұр Шадукаев

Айта кетелік, грек-рим күресінен Қазақстан командасының еншісінде Токио Олимпиадасының екі жолдамасы бар. Балуандар алдағы Азия аймақтық және әлемдік іріктеу турнирінде қалған төрт лицензияны жеңіп алуды көздеп отыр.