Месси «Барселонаға» соңғы төрт жылда қанша табыс әкелді
«Барселонаның» аргентиналық шабуылшысы Лионель Месси каталониялық клубқа 2017 жылдан бері 620 миллион еуро табыс әкелді, деп хабарлайды Prosports.kz.
Бұл ақпаратты Sport.es таратты.
Газеттің жазуынша, клуб осы кезеңде ойыншыға 383,6 миллион төлеген, сондықтан «Барселонаның» Мессидің арқасында таза пайдасы 235,6 миллион еуроны құраған. Қаржылық зерттеулерге сәйкес, аргентиналық клубтың жалпы кірісінің 30 пайызын әкелген.
