Вороговскийдің командасы ірі есеппен жеңді

Қазақстандық қорғаушы Ян Вороговский өнер көрсететін бельгиялық «Беерсхот» сырт алаңда «Зюлте-Варегемді» 3:0 есебімен жеңді, деп хабарлайды Prosports.kz.

Бұл матчта Ян ван ден Берг (54-минут), Йорен Дом (75) мен Денис Причиненко (91, пенальтиден) көзге түсті. Вороговский матчқа қатысқан жоқ, ол жаттығу кезінде жарақат алып қалған.

Осылайша, «Беерсхот» сегіз матчқа созылған жеңіссіз серияны тоқтатты. Қазір Вороговскийдің командасы Бельгия чемпионатының турнир кестесінде тоғызыншы орында келеді.