«Қайраттың» Чемпиондар лигасындағы матчында чехтар төрелік етеді

Чехиялық төрешілер Чемпиондар Лигасында «Қайрат» футзал клубының қатысуымен өтетін матчқа қызмет көрсетеді, деп хабарлайды Prosports.kz.

Чемпиондар лигасының 1/16 финалында беларусьтік «ВитЭн» мен алматылық «Қайрат» арасындағы ойынға чехиялық Радим Чеп бас төреші болып тағайындалды. Оған отандасы Филипп Неснер көмектеседі. Қосалқы төреші беларусь Михаил Прохоров.

Матч бүгін Могилевтегі «Олимпия» спорт кешенінде өтеді. Ойын Qazsport телеарнасында тікелей эфирде көрсетіледі.