Вишневская биатлоннан Германиядағы IBU кубогына қатысады

11-17 қаңтар аралығында Германияның Арбер аймағында биатлоннан IBU кубогының бірінші кезеңі өтеді.

Әлемдік жарысқа Қазақстан командасының спортшылары да қатысады. Нақтылап айтар болсақ, 14-15 қаңтар күні өтетін спринтерлер додасына Дастан Делдеш, Әсет Дүйсенов, Бекентай Тұрлыбеков және денсаулығына байланысты біраз жарыстан сырт қалған Галина Вишневская қатысады.

Спринтерлер додасында ерлер 10 шақырымға, әйелдер 7,5 шақырымға жарысады.

IBU кубогының соңғы жарыс күнінде ерлер мен әйелдер арасындағы эстафета жоспарланған.