Эрич жаттықтырушы болуы мүмкін

Қазақстандық қақпашы Ненад Эрич «Астанада» жаңа қызметке ауысуы мүмкін. Бұл туралы «Гол емес!» телеграм-каналы хабарлады.

– «Астананың» бас бапкері Андрей Тихонов команданың ардагері Ненад Эричке қақпашылар жаттықтырушысы қызметін ұсынбақ. Ресейлік маман капитанның жаттықтырушылар штабының құрамына енгенін қалайды.

Эрич «Астанада» тоғыз маусым бойы ойнап келеді. Елордалық команда сапында Қазақстанның алты дүркін чемпионы атанды», – делінген мәлімдемеде.