Формула 1. Қытай Гран-приі көктемнен күзге ауыстырылуы мүмкін

Қытай Гран-приі 2021 жылғы Формула-1 әлем чемпионатының екінші кезеңі кейінге қалдырылуы мүмкін, деп хабарлайды Prosports.kz.

Естеріңізге сала кетейік, қараша айында Формула-1 23 жарыстан тұратын 2021 жылға арналған күнтізбені жариялаған еді, бірақ ол жақын арада өзгереді. Жақында Aston Martin иесі Лоуренс Стролл Австралия Гран-приі күзге қалдырылатынын және Бахрейнде маусым басталатынын растады.

«Біз Формула-1-мен әр апта сайын конференц-байланыстар арқылы байланыста боламыз. Күнтізбе қазір әдеттегідей жұмыс істеп тұрғанына қарамастан, менің ойымша, жарысты бірінші жартыжылдықта, яғни сәуірде өткізе аламыз деген күмән бар. Біз кезеңді екінші жартыжылдыққа ауыстыруға тырысамыз», - деді Juss Event компаниясының бас менеджері Йибин Ян.