«Ливерпуль» басшылығы Мохамед Салахпен келісімшартты ұзартпауы мүмкін

«Ливерпуль» басшылығы команда шабуылшысы Мохамед Салахпен келісімшартты ұзарту туралы келіссөздер жүргізуге асығар емес, деп хабарлайды Prosports.kz.

Тараптар арасындағы келісім 2023 жылға дейін жарамды. Daily Star газетінің хабарлауынша, «қызылдар» мысырлықпен жаңа келісім жасасуды жөн санамайды.

«Ливерпуль» дәл қазір қорғаушы Вирджил ван Дайк пен жартылай қорғаушы Фабиньоны алып қалуға көбірек көңіл бөлетін сыңайлы.

28 жастағы Салах осы маусымда 25 матч өткізіп, 17 гол соқты және 4 нәтижелі пас тағы бар.