«Астана» Ресейдің екі қақпашысына қызығушылық танытып отыр

«Астананың» жаттықтырушылар штабы трансферлік кезеңді команданы мықты ойыншылармен толықтыруды жоспарлап отыр. Бұл туралы «Тень отца Гурмана» телеграм-каналы хабарлады.

Ресейлік маман Андрей Тихонов отандастары Юрий Лодыгин мен Александр Беленовке қызығушылық танытып отыр.

Юрий Лодыгин өткен жылдың тамыз айынан бері командасыз. Ал Александр Беленовтің «Уфамен» келісімшарты бар. Оның трансфер нарығындағы құны 1,5 миллион еуроны құрайды.

Екі қақпашыда мансабын Қазақстанда жалғастыруға қарсы емес. Алайда әзірге «Астана» оларға қомақты қаржы төлеп, үлкен жалақы беруге жағдайы жоқ.