Елена Рыбакина Абу-Даби турнирінің үшінші кезеңіне жолдама алды
Қазақстанның және әлемнің спорт жаңалықтарына жазылыңызҚазақстанның бірінші ракеткасы Елена Рыбакина Абу-Дабидегі WTA турнирінде үшінші кезеңге өтті.
Екінші айналымда Рыбакина қытайлық Сиюй Ванмен кездескен болатын. 1 сағат 34 минутқа созылған кездесуде қазақстандық спортшы қарсыласын 2:0 (6:4,6:4) есебімен ұтты.
Келесі айналымда Елена Рыбакина ресейлік Дарья Касаткинаға қарсы кортқа шығады.
Кездесу 10 қаңтарға жоспарланған. Сондай-ақ, ертең тағы бір қазақстандық теннисші Юлия Путинцева америкалық Софья Кенинмен кездеседі.