Хэмилтон «Мерседеспен» жаңа келісімшарт жасасты

Формула-1 жарысынан жеті дүркін чемпион Льюис Хэмилтон "Мерседеспен" жаңа келісімшартқа қол қойды, деп жазады Prosports.kz.

SportTune басылымының хабарлауынша, келісімшарт ресми түрде алдағы бес аптада жарияланады.

Дереккөздің ақпаратына сенсек, тараптар екі жылға келісім жасасқан. Сонымен қатар, Хэмилтон бір маусымда 70 миллион еуро табыс табады. Сондай-ақ, келісімшартқа қол қойғаны үшін бонус ретінде Хэмилтон 2,5 миллион еуро және AMG Project One гиперкарын алады.

Айта кетейік, бұған дейін БАҚ Хэмилтон төрт жылға келісімшарт жасасуға мүдделі деп хабарлаған еді.