Жеңіл атлетикадан Лондондағы турнирдің өтетін уақыты анықталды

Жеңіл атлетикадан The Muller Anniversary Games турнирі 2021 жылдың 13 шілдесінде Лондон стадионына қайта оралады.

Былтыр жарыс өтпей қалған болатын.

Қазіргі таңда турнирде спортшылардың 14 дисциплина бойынша бақ сынайтынын анықталды. Әрқайсысының жүлде қоры 25 000 долларды құрайды.

Тағы бір айта кетерлігі, Олимпиадаға қатысатын атлеттер үшін бұл жарыс алдындағы соңғы дайындық болмақ.

Турнир кезінде қатысушылар мен ұйымдастырушыларда, волонтерлар мен ресми тұлғалардың денсаулығы басты назарда болады.