Жасталап Санауов көз жұмды

Каратэден Қазақстан ұлттық құрамасының бас бапкері Жасталап Санауов қайтыс болды, деп хабарлайды Prosports.kz. Бұл ақпаратты Ерлан Қарин таратты.

«Жасталап Санауов қазақстандық каратэ қозғалысының негізін қалаушылардың бірі болды. Ол жылдар бойы Қазақстан каратэ-до федерациясын басқарды, әлемге әйгілі Jk Fan каратэ журналының республикалық нұсқасын шығарды. Оның арқасында Қазақстанда беделді халықаралық турнирлер өтті. Ол халықаралық каратэ қауымдастығында құрметке ие болды. Ол ТМД елдері арасында Дүниежүзілік каратэ-до федерациясының Атқару комитетіне сайланған бірінші және жалғыз өкілі болды. Бір ай бұрын біз оны федерациядан мемлекеттік сыйлыққа ұсынғымыз келді. Жасталап алғыс айтып, бас тартты, бірақ чемпиондарды дайындап жатқанын айтып, облыстан келген жаттықтырушыларды атап өтуді сұрады. Ол осылайша бәріне қолдау көрсетті», - деп жазды Карин өзінің Facebook парақшасында.

Жасталап Санауов 1966 жылы 26 мамырда Алматыда дүниеге келген. Халықаралық спорт шебері, Қазақстанның еңбек сіңірген жаттықтырушысы. Алматы қаласындағы Республикалық физика-математика мектебін бітірген. ҚазПТИ-де оқыды.

Ол жастайынан спортты жақсы көретін. Каратэ-до-дан Қазақстанның бірнеше дүркін чемпионы, КСРО-ның үш дүркін чемпионы, Азия чемпионатының жүлдегері, Еуропа мен Әлем чемпионы.

1986 жылы жаттықтырушылықпен айналысты, көптеген халықаралық спорт шеберлерін және әлем чемпиондарын дайындады.