Бақбергенова: Алда жаңа маусымдағы жарыстарға дайындаламыз

Әйелдер күресінен Қазақстан құрамасы биылғы маусымның соңғы оқу-жаттығу жиынын өткізді.

Ұлттық құрама мүшесі Жамиля Бақбергенова жаттығу жиынын қорытындылап берді.

- Жылдың соңғы оқу-жаттығу жиыны жоспарлағанымыздай жақсы өтті. 17 күн құраманың 26 қызымен бірге дайындығымызды пысықтадық. Физикалық жаттығумен қатар, кілемде де жұмыс істедік. Жарыстар ауыстырылғандықтан жаттығу жиынындағы жоспарымыз да өзгерді. Енді жаңа маусымға, алдағы жарыстарға дайындаламыз, - дейді Жамиля Бақбергенова.