Камила Берліқаш - екі дүркін Қазақстан чемпионы

Дзюдодан әйелдер арасында Қазақстан чемпионатында 78 келіден жоғары салмақта Камила Берліқаш жеңімпаз атанды.

Алматы облысының спортшысы осымен ел біріншілігін екінші рет ұтып отыр. Финалдық кезеңде Камила Солтүстік Қазақстан облысының өкілі Назгүл Маратованы жеңді. Нәтижесінде, Маратова ел біріншілігінің күмісін еншіледі.

Әйелдер арасында аса ауыр салмақта алматылық Ақерке Рамазанова мен қызылордалық Нұрғаным Тұршабек қоланы қанағат тұтты.