Қазақстанның бірінші ракеткасы WTA жүлдесіне ұсынылды

WTA жылдың ең прогрессив теннисшісі атағына бес үміткерді атады. Олардың арасында Қазақстанның бірінші ракеткасы Елена Рыбакина да бар, деп хабарлайды Prosports.kz.

Одан бөлек «Жыл прогресі» номинациясында польшалық Ига Свентек, америкалық Дженнифер Брэйди, француз Фиона Ферро және Тунис өкілі Онс Жабер бар.

Еске салайық, Рыбакина жыл басында Австралияда өткен турнирде жеңіске жеткен болатын. Елена WTA турнирлерінің финалына төрт рет шыққан.