Лионель Мессиге айыппұл салынды

Испания Корольдігі футбол федерациясының жарыстар өткізу комитеті «Барселонаның» шабуылшысы Лионель Мессиге 600 еуро көлемінде айыппұл салды, деп хабарлайды Prosports.kz тілшісі Diario Sport басылымына сілтеме жасап.

«Осасунаға» қарсы матчта гол соққаннан кейін Месси жейдесін шешіп, «Ньюэллс Олд Бойздың» ретро-жейдесін көрсеткен болатын. Бұл «Ньюэллс Олд Бойз» сапында ойнаған Диего Марадонаға көрсеткен құрметі еді. Мессидің өзі де осы клубтың жүйесінде ойнаған.

Судья Мессиге бұл әрекеті үшін сары қағаз көрсетті. Бірақ көптеген адам бұл шешімді жоюды сұрап жатыр.