Қазақстан қыздар құрамасы Еуро-2022 іріктеу матчында Франциядан ірі есеппен ұтылды
Қазақстанның және әлемнің спорт жаңалықтарына жазылыңызҚазақстан әйелдер құрамасы 2022 жылғы Еуропа чемпионатының іріктеу турнирінің соңғы матчын өткізді. Ваннада қазақстандық футболшылар Франция құрамасымен кездесті, деп хабарлайды Prosports.kz.
G тобының көшбасшылары бірінші таймда жауапсыз жеті гол соқты. Екінші таймда тағы бес мәрте Қазақстан құрамасының қақпасынан саңылау тапты.
0:12 есебімен жеңіліп, Қазақстан құрамасы бірде-бір ұпай жинай алмай, G тобында 5-орынға тұрақтады. Француз қыздары өз кезегінде 22 ұпай жинап, Австрия құрамасынан 3 ұпай озып, G тобындағы іріктеу турнирінің жеңімпазы атанды. Франция құрамасы турнир барысында бірде-бір гол жібермеді.
Франция – Қазақстан 12:0 (7:0)
Гол соққандар: Де Алмейда (5), Диани (7, 17), Катото (12, 16), Дали (24), Периссе (33), Каскарино (50), Лоран (58), Морони (67), Балтимор (72), Матео (83)
Қазақстан: Сандалова, Демидова, Айтимова, Бурова, Власова, Жұманбайқызы (Перме, 62), Нұрышева (Ступина, 28), Тұрлыбекова, Кәрібаева (Қожахмет, 46), Қырғызбаева, Садықова (Исмаилова, 46)